影片
更多
2018-12-02
543 浏览
好快就到圣诞节，港九多个地临已挂起圣诞装饰，湾仔「利东街」自从经历蜕变后，不时都有啲大型装置，之前就曾经有「月球」、「巨兔」，今回就喺「天使」。其实，小弟就唔喺嚟睇灯饰，只喺顺路影张相，目的喺约咗刚去完青森返嚟嘅夏总同夏太一齐食饭。短短一条「利东街」堆满人，人人都为个「天使」嚟打卡，因而带动附近嘅餐厅都好多客人。是夜就拣咗佢哋好喜欢食嘅拉面，选址新开无耐嘅「乐拉面」，因为见Openrice个版面喺咁介绍：「特意请来日本隐世拉面店主担任顾问，确保不论汤底、面条及配菜都能保持日本传统做法」。刚踏入店内，以为地方唔大，原来，屈个弯仲有另一边用餐区。最抢眼喺啲墙画，近门口将整幅墙画有一只猫将军「鼻鼻」，画风甚具日本特色。而里面亦有，仲喺好多只猫猫添，「温子」、「牛奶」……，喜欢猫嘅客人一定打晒卡。此外，部份墙上又挂起一啲旧式啤酒海报。厨房采用半开放式，睇到师傅煮面，但又唔喺乜都睇晒。而厨房前就设置一列吧位，适合一、两个人嘅组合。其实，装修都算几骨子，简约式嘅和风。而最贴心喺櫈下可以放袋、放背囊，唔使摆晌地下，或櫈背阻住坐。枱上已经放有汤匙、筷子、纸巾及少少调味料，自由取用，唔使下下烦店员嘛。既
短短一条「利东街」堆满人，人人都为个「天使」嚟打卡，因而带动附近嘅餐厅都好多客人。是夜就拣咗佢哋好喜欢食嘅拉面，选址新开无耐嘅「乐拉面」，因为见Openrice个版面喺咁介绍：「特意请来日本隐世拉面店主担任顾问，确保不论汤底、面条及配菜都能保持日本传统做法」。
刚踏入店内，以为地方唔大，原来，屈个弯仲有另一边用餐区。最抢眼喺啲墙画，近门口将整幅墙画有一只猫将军「鼻鼻」，画风甚具日本特色。而里面亦有，仲喺好多只猫猫添，「温子」、「牛奶」……，喜欢猫嘅客人一定打晒卡。此外，部份墙上又挂起一啲旧式啤酒海报。
厨房采用半开放式，睇到师傅煮面，但又唔喺乜都睇晒。而厨房前就设置一列吧位，适合一、两个人嘅组合。
其实，装修都算几骨子，简约式嘅和风。而最贴心喺櫈下可以放袋、放背囊，唔使摆晌地下，或櫈背阻住坐。
枱上已经放有汤匙、筷子、纸巾及少少调味料，自由取用，唔使下下烦店员嘛。
既然叫「乐拉面」，拉面喺主打啦，翻一转餐牌，拉面一共有6款，正所谓有辣、有唔辣，定价由$68-$88，以拉面而言，定价亲民。而面条有软硬度选择，可拣要唔要葱花，更可追加额外配菜，弹性大。而拉面以外，竟然仲有饭类，不过，喺迷你版本，只有3款，估计志在俾啲人试吓。
小食就必然预咗会有供应，因为，喺好多拉面店嘅指定动作，但喺，佢哋嘅小食都算多，唔喺净得饺子咁单一。不过，沙律及甜品就只喺各得1款，饮品就有多少少选择，唯可惜店员话未有酒牌，饮品中嘅果汁汽酒就暂时未有供应。
波子汽水 $22未有机会试啲果汁汽酒，退而求其次就要支元袓波子汽水，纯粹贪佢有股汽，哈哈！顺带一提，店家都有支持「走塑」行动，唔会主动提供饮管，但如有需要，都可以向店员索取。
日式炸豆腐 $36一客有三小件，件件都炸得金黄，色泽均匀，咬落老套啲讲句都喺咁话架喇，外脆内嫩，里面嘅豆腐仲喺好嫩滑，而且好有豆香。
海老饺子 $42平常饺子都喺猪肉馅多，但呢度就多加一款鲜虾馅。一客有5只，只只包得饱满又煎得靓仔，入口皮薄而香脆，馅料鲜且富肉汁，水准不赖。
黑麻油豚骨叉烧拉面 $78小弟对拉面嘅口味未特色心水，但就有少少偏向黑蒜呀，黑麻油啲重口味类，而面条就较喜欢硬面，因为咬口啲。每碗拉面都配有两三片叉烧、溏心蛋、葱花、黑木耳、海苔、高丽菜、炸藕片，所以，外观睇落非常丰富。
先呷口汤，够晒浓郁且富麻油香；啲叉烧好松化，有油香却唔觉得腻，而且，更火炙过而添多一份焦香味；溏心蛋睇样你就知对办啦，而配菜都好好食，有特色；讲到面条，虽然唔算好挂汤，但柔韧有咬口，瀡瀡声啜入口，且够耐浸，食到尾都唔会出现过腍嘅情况。
特浓樱花虾虾汤叉烧拉面 $88夏太晌门口见到大大个介绍牌，就话已经选定好喺呢一款拉面，其实喺钟意樱海老就真。
基本上，叉烧及配料跟我碗「黑麻油豚骨」无咩分别，主要喺个汤底用上特浓虾汤，更撒上大量樱花虾。小弟亦好奇有几特浓，瀡咗一口，坚浓㖞，阵虾味真喺几突出，亦都几鲜，无猪骨汤𠮶种咁杰、咁浆口嘅感觉。
特浓樱花虾虾汤叉烧拉面
$88
16 浏览
0 赞好
0 留言
夏总成日话自己乜都食，其实就好多嘢都唔食，佢个人就喜欢原味多啲，所以，就简单拣「香葱塩味」。佢赞个汤底好正，唔会太浓，带阵阵咸鲜味，好对佢嘅口胃，而面条、叉烧，佢都觉得具水准，加上份量十足，只卖七十几蚊，抵食。
秘制香葱塩味叉烧拉面
$78
30 浏览
0 赞好
0 留言
见隔离枱点咗呢个泡饭，细细锅，觉得大家帮吓手一定食得晒，所以，追加一客一齐「些牙」。唔讲得笑，送到嚟已感受到𠮶份热气腾腾，色泽深沉橙红，入口劲虾味，极之浓郁，饭粒烟糯，并且吸收晒啲汤汁味，感觉有少少似食意大利饭咁；而海鲜料都喺啲鲜虾、带子、鱿鱼圈、蚬肉，都算鲜甜，但就喺迷你版本。
因为我哋坐近门口嘅枱，睇住越食越多人等位，「利东街」有一定嘅号召力架，加上有啲巨型灯饰。其实，「乐拉面」嘅拉面本身都做得有水准，定价相宜，喺食得过嘅拉面店。
张贴
