樂天經典 (已結業)

金色同蓝色主调嘅组合配搭，餐厅嘅装修给人一种华丽嘅感觉，其门面光鲜整洁，而座位亦好阔落，乐天经典系主打南洋中菜。小吃花生和栗子好软腍，餣得好入味！古早鱼香老鼠粉煲  古早鱼香老鼠粉煲系以瓦锅上，保持热度，另配有桔仔油嘅酱料。 老鼠粉即系银针粉，入口好滑。待应会在上枱后加入桔仔油，连同生鸡蛋再捞均，蛋可以增加香滑度。食材好丰富，有鲜虾、冬菇、菜甫同椰菜花等。最惊喜嘅系酱料，加了之后带点酸味同本身咸鱼香味，提升味道层次。金牌脆皮烧鸡烧鸡份量足够，外表烧得金黄色，鸡皮够薄，食落好脆皮，而鸡肉好有鸡味，嫩滑且肉汁丰富。而虾片脆卜卜，都几好食。菜香铁板豆腐豆腐好厚身，外层焦香，内层好滑，而底层系由蛋浆而铺成，防止豆腐过㶶。豆腐上面铺著由菜心、冬菇、榨菜、肉碎等组成嘅酱汁，食落非常惹味！金银蛋浸时蔬上汤好清甜，而菜系好新鲜好嫩，咸蛋同皮蛋味都几突出，好吃又健康，份量亦都好足够。南北杏罗汉果茶真材实料，好浓味，好甘香清甜，饮完喉咙好舒服，清热解毒。柠檬薏米水柠檬清香，微微酸带少甜，感觉几清新同健康，好清润。