影片
更多
2023-01-11
412 浏览
蒲罗琴日中午去咗乐富约咗朋友一齐食野，揾到一间餐厅食新加坡菜，咁啱已经到咗下午茶时间，我哋三个人叫咗几个𩠌，都几抵食！呢间餐厅都算几大，门口又无一级，方便轮椅人士入去食野，坐得好舒服！1.娘惹茶熏鸭喇沙米线+冻海盐雪糕椰汁珍多冰$59+8（8/10）呢个喇沙可以拣米线或者掺掺，一递上枱已经闻到香喷喷嘅熏鸭味，打完卡仲好鬼热辣辣，入面有几旧豆腐卜， 豆腐卜索哂汤汁，一咬爆哂出嚟，个汤底系小辣，但最惹味系佢嘅辣椒酱，如果食得辣嘅朋友加埋个酱就会更加惹味，入面个鸭胸好厚肉，而且个鸭皮好香，入面有6旧，份量算多，几好味！冻海盐雪糕椰汁珍多冰上面雪糕无咩咸味，不过影相打卡就好靓，系一个唔错嘅甜品和饮品，椰香味十足入面亦都有烟烟韧韧的粉条！2.地道老鼠粉+椰汁班兰冰$58+$8（7/10）呢个炒粉系干身，入面有好脆嘅鱼仔干，仲有甜甜地嘅菜脯，加少少肉碎同埋花生，连埋将一只流心蛋搞埋一齐食，成个炒粉就会令到好饱肚，不过成个𩠌就会干身少少！椰汁班兰冰入面绿色沙冰比人好清凉嘅感觉，入口微甜，不过个人觉得班兰味可以再重d！3.街头串烧拼盘+马来拉茶$58（8/10）呢个拼盘有大虾、鱿鱼须同鸡肉，每款有各两
琴日中午去咗乐富约咗朋友一齐食野，揾到一间餐厅食新加坡菜，咁啱已经到咗下午茶时间，我哋三个人叫咗几个𩠌，都几抵食！
呢间餐厅都算几大，门口又无一级，方便轮椅人士入去食野，坐得好舒服！
1.娘惹茶熏鸭喇沙米线+冻海盐雪糕椰汁珍多冰$59+8（8/10）
呢个喇沙可以拣米线或者掺掺，一递上枱已经闻到香喷喷嘅熏鸭味，打完卡仲好鬼热辣辣，入面有几旧豆腐卜， 豆腐卜索哂汤汁，一咬爆哂出嚟，个汤底系小辣，但最惹味系佢嘅辣椒酱，如果食得辣嘅朋友加埋个酱就会更加惹味，入面个鸭胸好厚肉，而且个鸭皮好香，入面有6旧，份量算多，几好味！
冻海盐雪糕椰汁珍多冰上面雪糕无咩咸味，不过影相打卡就好靓，系一个唔错嘅甜品和饮品，椰香味十足入面亦都有烟烟韧韧的粉条！
2.地道老鼠粉+椰汁班兰冰$58+$8（7/10）
呢个炒粉系干身，入面有好脆嘅鱼仔干，仲有甜甜地嘅菜脯，加少少肉碎同埋花生，连埋将一只流心蛋搞埋一齐食，成个炒粉就会令到好饱肚，不过成个𩠌就会干身少少！
椰汁班兰冰入面绿色沙冰比人好清凉嘅感觉，入口微甜，不过个人觉得班兰味可以再重d！
3.街头串烧拼盘+马来拉茶$58（8/10）
呢个拼盘有大虾、鱿鱼须同鸡肉，每款有各两串, 每一串点辣酱非常正，个辣椒酱其实系同喇沙𠮶个辣椒酱系一样，非常惹味！
马来拉茶入面有淡淡嘅香料，奶味和茶味香浓，唔会互相抢味，不过泡沫可以再多d！
4.恐龙蛋$36（9/10）
有两个雪糕球，面头再加上少少朱古力脆脆同埋美禄粉，白色系椰子味，啡色嘅系拉茶味，出面应该系食唔到，两个雪糕都系啱啱好嘅甜度，作为呢餐饭结尾系唔错
3人总共价钱$249.7，有加一服务费！
个人口味总评分：8/10
地址：乐富联合道198号乐富广场A区1楼1104-1105号舖
#乐富美食 #蒲罗 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
张贴
