岡山一番店 (樂富廣場)

营业中

休息中

📍乐富广场6月头开咗间过江龙嘅日本拉面店，到依家人流都仲系好多，等排队都等咗10分钟左右。入到去每人会有一张落单纸，可以自己拣食啲咩拉面，除咗可以拣面嘅份量，仲可以拣芽菜份量、辣度、面嘅硬度、口味同油浓淡等。出边仲有关东煮自助区，可以出边拉面落单之前，夹完然后一次过俾钱，试咗几款，较推介白萝卜，大嚿入味而且软稔。第一次食我哋都拣咗半熟玉子拉面，我哋拣咗两倍芽菜份量，原来都几多，豚骨汤底较油，好彩系配粗面食落都几夹。叉烧半肥瘦都做得唔错👍🏼另外出边会有自助水机提供，唔叫嘢饮都可以自己出面斟水饮。呢个价钱又唔洗加一，唔怪之得人流keep住有，同朋友再觉得可以再试。