蒲羅

营业中

休息中

同FD提早庆祝圣诞，FD话屋企附近有家星马菜好好食，我都好中意食星马菜，咁试试啦。今日拣咗松露茶叶蛋，烤马来葱饼配咖喱，街头串烧拼盘同马拉盏通菜。在OP上睇中马来烧鸡饭，不过晚市不提供，唯有下次再试啦。嘢饮叫咗椰子斑斓冰，椰子味好香浓，不过就饮唔出斑斓味，OK。FD好钟意食茶叶蛋，我就麻麻地，哩间茶叶蛋卤得啱啱好，不会过咸，上面加咗啲黑松露同茶叶蛋啲味道都好match，好食。街头串烧拼盘好快黎咗，哩间拼盘啲品种同其他铺头都几唔同，有鸡肉，大虾同埋鱿鱼须，好啱钟意食海鲜啲人。虾和鱿鱼须都烤得好香口，外面酱汁又不会过咸，食落好弹牙好鲜甜，超好味。鸡肉串都烤得唔错，鸡肉好滑，蘸上配啲虾酱，好味。哩间拼盘搭配啲酱汁喺虾酱唔喺沙爹酱，都几特别。烤马来葱饼配咖喱送上来仲热笠笠，葱饼喺千层饼，烤得好酥脆，点落咖喱汁一齐食，好满足。咖喱汁同印度啲咖喱有少少唔同，椰浆味好重，同之前在新加坡食到啲咖喱味道差唔多，好食。马拉盏通菜上咗黎都几surprise，更大一份才42HKD，真系劲抵呀。通菜放咗超多马拉盏黎炒，每一啖都好重马拉盏味道，好味。哩间餐厅质素真喺唔错，难怪FD强烈推荐，下次还要再encore。