樂心冰室

营业中

休息中

放假同朋友系铜锣湾希慎行完街，就系后面条细巷揾左间冰室食下，估唔到有惊喜，叫左个$188平地嘅二人餐加水煮鱼再加个甜品好满足。例汤系淮山猪骨汤，加左小小蕃茄落去煲，饮落味道好够，见到淮山亦好多，味道好出，系一碗够火喉既老火汤。油麦菜眼望已经好青绿色，落咗少少蚝油，已经好够味，而且食落口好爽口，味道新鲜，食材好新鲜。凉瓜炆仓鱼，凉瓜系非常有益，但唔系个个顶得顺凉瓜个种苦涩，餐厅处理得凉瓜味道好好，连我唔钟意食好苦既苦瓜都好易入口。而且仓鱼蒸得好滑，时间控制得岩岩好，入面够熟而外面肉质够柔软。水煮鱼食开小辣既人会觉得都几辣下，但系都有食哂，因为辣得来几好食，够味，而且入面有好多鱼食，仲有芽菜等配料，捞到饭同几开胃。生炒骨都炒得好够镬气，而且食落新鲜同够脆口，咬落内里肉亦非常松软。最后食了红豆莲子奶冻，奶冻食落好滑溜，红豆数量亦很多，一餐丰富既饭加美味既甜品感觉很满足。最后不得不赞既系餐厅服务都非常好，食完主动仲帮我地清理枱面然后再比过两杯新既水我地。