影片
更多
2023-09-09
175 浏览
最近荃湾新开咗个Food court，我哋就揾咗日平日放工去睇下有无咩特别。新Food Court位于乐悠居商场，商场新装修，环境都唔错，如果迟啲出租多啲商舖、食肆应该会更旺。当日平日大概7点几落到去都几多人喺度食晚餐。Food court 有中、台、韩菜式，连素食都有，平时少食上海菜嘅我哋就拣咗依间有师傅现场拉拉面嘅皇小馆试下。.一人套餐A $60皇小馆嘅一人套餐有三个价位，仲可以自选主食同小食，弹性相当大。👩🏻就叫咗最平嘅一人套餐，四川担担拉面🍜、 凉拌木耳、冻豆浆，再以$18加配皇小馆小笼包 (4个)。四川担担拉面份量好大，拉面系师傅现场现拉，面条有韧劲又滑溜，水准相当高。但担担面汤底层次较单一，无乜花生酱或者麻酱香味，辣度都较低，拉低咗整碗面嘅味道层次。但👩🏻就非常喜欢依度嘅凉拌木耳，酸度够，爽口，好开胃。小笼包包皮好薄，每粒都汤汁满泻，好味。.一人套餐B $72而👨🏽就叫咗大盘鸡脾拌饭、尖椒皮蛋、灼菜同冻豆浆。鸡脾好大只，用咗花椒、八角等中式香料腌制，味道唔错，仲有溏心蛋同焖薯仔做配菜，相当有诚意。尖椒皮蛋味道正正常常。依个时代$72仲有半碟白灼菜心，都算系几有良心，喺出面餐
.
一人套餐A $60
皇小馆嘅一人套餐有三个价位，仲可以自选主食同小食，弹性相当大。👩🏻就叫咗最平嘅一人套餐，四川担担拉面🍜、 凉拌木耳、冻豆浆，再以$18加配皇小馆小笼包 (4个)。四川担担拉面份量好大，拉面系师傅现场现拉，面条有韧劲又滑溜，水准相当高。但担担面汤底层次较单一，无乜花生酱或者麻酱香味，辣度都较低，拉低咗整碗面嘅味道层次。但👩🏻就非常喜欢依度嘅凉拌木耳，酸度够，爽口，好开胃。小笼包包皮好薄，每粒都汤汁满泻，好味。
.
一人套餐B $72
而👨🏽就叫咗大盘鸡脾拌饭、尖椒皮蛋、灼菜同冻豆浆。鸡脾好大只，用咗花椒、八角等中式香料腌制，味道唔错，仲有溏心蛋同焖薯仔做配菜，相当有诚意。尖椒皮蛋味道正正常常。依个时代$72仲有半碟白灼菜心，都算系几有良心，喺出面餐厅分分钟半条菜都当俾多你🥲。
.
推荐俾住附近或者荃湾街坊，都几值得嚟一试依度嘅上海菜，都算系皇小馆性价比之选，是日total食咗$180，已经饱到捧住个肚返屋企，特别推荐依度嘅拉面同小笼包，的确系唔错。
四川担担拉面
8 浏览
0 赞好
0 留言
皇小馆小笼包
7 浏览
0 赞好
0 留言
大盘鸡脾拌饭
7 浏览
0 赞好
0 留言
张贴
