影片
更多
2014-10-03
3665 浏览
第一次到访百乐潮州已经喺成年前嘅事，当时喺去旺角新世纪广场嘅分店，今次获邀再访，喺铜锣湾老店，虽然门面簇新，金黄流线，但仍挂著昔日守住旧店的老招牌「百乐酒楼」，喺一份有近50年嘅历史印记。好多老店都经历唔少改革，百乐都不例外，入到店内见唔到一丝往日旧痕，虽然模样都一如中菜酒楼嘅格局，大大小小嘅圆枱（唔觉有卡位），香槟色嘅椅套，感觉都比较传统，天花中央嘅波灯可能已经喺较时尚嘅装饰！酸菜小碟咸酸菜、菜脯（加豆干）已成为潮菜嘅标记。昔日唔少潮州人晌码头做咕哩，一碗白粥，少少咸酸菜加菜脯就喺一餐。卤水三拼三拼分喺有卤水鹅片（$188）、卤水鹅肉（$148）、卤水千层峰（$78），如果唔钟意三拼，当然可以分开点啦。一碟过试齐几款百乐嘅拿手卤水，点可以唔回味，卤水味道醇香沉实，咸香适中，而鹅片啖啖肉，嫩滑味浓，蘸点白醋，鹅味突出；鹅肉连皮连骨，相比鹅片多份油脂，油香丰腴；至于千层峰喺以猪耳做成猪脚冻形式，再薄切形成一层层，甚好睇，入口冰凉有咬口，垫底仲有软滑嘅卤水豆腐，因为卤水味唔太浓，所以，仍食到淡香豆腐味。卤水鹅肝 $120依碟喺半只鹅嘅份量，厚切一片叠一片，都咪话嘢少。鹅肝入口粉嫩甘腴，带淡
好多老店都经历唔少改革，百乐都不例外，入到店内见唔到一丝往日旧痕，虽然模样都一如中菜酒楼嘅格局，大大小小嘅圆枱（唔觉有卡位），香槟色嘅椅套，感觉都比较传统，天花中央嘅波灯可能已经喺较时尚嘅装饰！
酸菜小碟咸酸菜、菜脯（加豆干）已成为潮菜嘅标记。昔日唔少潮州人晌码头做咕哩，一碗白粥，少少咸酸菜加菜脯就喺一餐。
卤水三拼三拼分喺有卤水鹅片（$188）、卤水鹅肉（$148）、卤水千层峰（$78），如果唔钟意三拼，当然可以分开点啦。一碟过试齐几款百乐嘅拿手卤水，点可以唔回味，卤水味道醇香沉实，咸香适中，而鹅片啖啖肉，嫩滑味浓，蘸点白醋，鹅味突出；鹅肉连皮连骨，相比鹅片多份油脂，油香丰腴；至于千层峰喺以猪耳做成猪脚冻形式，再薄切形成一层层，甚好睇，入口冰凉有咬口，垫底仲有软滑嘅卤水豆腐，因为卤水味唔太浓，所以，仍食到淡香豆腐味。
卤水鹅肝 $120依碟喺半只鹅嘅份量，厚切一片叠一片，都咪话嘢少。鹅肝入口粉嫩甘腴，带淡淡卤水香，如配一小片多士或法包又如何呢？
潮式冻乌头 $180既然喺时价菜式，当然唔会太平，依一尾就要$180，厨师好细心，将乌头开边兼去埋中间主骨，令客人食起嚟好方便。乌头肉质挺实唔霉，鲜味十足，随鱼已附上普宁豆瓣酱，蘸一丁点更能吊起鱼鲜味。
柠檬鸭汤 $108单睇个卖相，个鸭汤感觉真喺普普通通，但绝对喺深藏不露，清澈嘅鸭汤，甘香而带些微咸柠酸幽，虽然下成只鸭去熬制，半点油脂也没有浮现，轻盈得嚟有种消滞感。之后，食啲鸭肉，渗有柠檬清香，又几得意。
潮阳炸双枣 $104双枣即喺虾丸及蟹丸，由于虾丸以虾肉挞成虾胶做成，口感弹牙，满有虾味；而蟹丸以蟹肉加生粉搓成，所以，质感实净，口感两者好唔同，唯一共通喺两者都炸得香口甘脆唔油腻。
菊花石榴鸡 $120（4件）第一次品尝石榴鸡喺晌潮庭，当时已好欣赏依道菜式，今晚再遇，必定会细心品尝。以煎蛋白所做嘅外皮包住鸡肉粒、笋粒、冬菇粒……等等做成石榴形，淋上玻璃鸡汤茨，并以小棠菜切花做装饰，卖相已赏心悦目。蛋白外皮薄透有韧性，内馅淡雅清甜有层次，实在要慢慢细味。
潮式姜米鸽 $230 / 只米鸽呎吋唔喺好大只，但内里塞满糯米饭，一只姜米鸽都足够4人分享。米鸽外皮脆卜卜，好香口，肉质颇嫩滑，而糯米饭黏糯，又吸收咗鸽油，如姜味再能突出啲，相信更有特色。
金华四宝菜 $108（例牌）眼前喺两个例牌嘅份量，所以，睇落较为多，金华喺乜应该唔使多讲，而四宝菜分别喺冬菇、草菇、冬瓜及珍珠笋，小棠菜只不过喺「间场」嘅点缀。因为加有金华火腿，所以食起嚟带点点咸香，味道唔会太寡。
潮州蚝仔肉碎粥 $55 / 碗一碗本身都唔少，够两个人分享，但仍有一窝窝份量嘅选择，分细中大，每上一级都加多$45，如果7-8人食，叫个中窝都差唔多。潮式嘅肉碎粥有点似泡饭，米粒软软不绵，混和好多肉碎，而蚝仔饱满肥美，又加入咗啲柴鱼，好味得再添食。
干煎糖醋面 $128（例牌）估唔到老店都咁搞嘢，唔喺情人节，亦唔喺元宵，竟然剪裁到个糖醋面成心形。面饼干煎开后，糖（沙糖）与醋（浙醋）都按个人喜好自行添加，面条煎得干身，初时食唔觉油腻，食到尾就觉得几油，需加多点醋嚟平衡一下。
福果甜芋泥 $35 / 位最后上场嘅甜芋泥，连一向嗜甜嘅小弟，望落好似好「漏」。其实整芋泥都几花心机，又烚，又搓，又煮，芋泥其实芋香浓郁，质感软绵，面面嘅白果亦好清甜，但有别我哋广东嘅糊，泥始终都稠密杰身一啲，所以，未必人人都啱口味。相比之下，小弟就较喜爱上次嘅芋泥蛋白！
百乐潮州属本港潮菜馆老字号之一，既守住潮菜真味，亦不断融入新口味，承与传实在唔容易。
张贴
