樂法 (已結業)

同朋友系铜锣湾行街，行行下见到「乐法」，记得以前系台北有饮过呢间鲜果饮品店嘅鲜果多多系几好饮嘅。就系我谂紧会唔会系台北嘅「乐法」，就俾我见到门口有广告牌介绍必试皇牌❤️火龙果云朵沙冰。红肉火龙果鲜艳嘅颜色吸引左我嘅视线，忍唔住买左一杯嚟试下。店员仲好贴心咁问我要唔半糖，话咁样会好饮啲！系我等紧嘢饮嘅时候问过店员，原来真系嚟自台湾嘅「乐法」！好开心以后又够一间台式鲜果饮品店俾我选择！😋店面唔算大，等嘢饮嘅时候见到火龙果云朵沙冰嘅制作，真系同佢广告牌讲嘅一样，有落足一杯乳酪架！等左一阵嘢饮就到手了，望住火龙果云朵沙冰咁火红嘅颜色，白色嘅乳酪真系好似一旧旧白云咁好靓，真系唔饮得都睇得。饮第一啖未饮到啲乳酪，入口嘅系火龙果清新嘅甜味，再饮一啖有乳酪酸酸嘅味道，配合得真系好好！无论咩时候饮，除左系视觉享受之外，都系味觉享受，心情都即刻靓左😊推介火龙果云朵沙冰，打卡必点！或者都可以嚟试下其他鲜果饮品丫！👍🏻乐法 • 我的快「乐」「法」门 ❤️