漢和韓國料理

营业中

休息中

烧嘢食我最钟意食，夏天嘅时候都会好想烧嘢食，但系当然想揾一个舒适有冷气嘅地方去烧啦，韩烧就系我夏天嘅首选。呢一间嘅韩烧绝对系性价比超高，佢嘅嘢食款式好多而且仲系平民价，佢嘅座位都非常阔落。佢嘅自助餐区亦都好多选择，分别有烧烤区，熟食区，寿司，饮品，甜品，沙律等等。烧烤区里面嘅种类好多，而且佢仲有埋目录清晰写晒每一样嘢食系啲乜嘢。嘢食全部已经腌好晒，猪牛鸡样样有，仲有多种丸同埋配菜，个人就比较钟意食鱿鱼同埋多春鱼。熟食区都唔错㗎，竟然会有猪脚姜食，而且仲有好足料嘅老火汤，煎好咗嘅三文鱼骨，样样都好吸引。冻区嘅嘢食有三文鱼刺身，多款寿司，同埋沙律水果等等。当然唔少得嘅就梗系有好多种类嘅甜品，奶冻，豆腐花，凉粉样样齐。两个钟真系食到饱饱，乐而忘返，大满足。