琛夜食堂 (已結業)

出开尖沙咀，当然又系去厚福街觅食。最钟意食芝士既我同朋友叫左荔枝烟肉串、原烧生蚝、芝士年糕、火炙芝士翠肉瓜、烟三文鱼杂菜卷、芝士鳗鱼玉子烧。荔枝烟肉串有原粒荔枝，好多汁，再用烧左既烟肉包住，好香好美味！烧生蚝好新鲜，唔会太干，加上大量蒜蓉，好香好多汁！芝士年糕，店员好细心一开为二，外脆内软，每一口都有好重芝士味，超正！火炙芝士翠玉瓜，一大片芝士放在翠玉瓜上烧，重芝士味之余又唔会干，好美味！烟三文鱼杂菜卷摆盘好精美，用三文鱼包住新鲜杂菜，食落外软内脆，好有口感。芝士鳗鱼玉子烧，热辣辣，玉子好滑，夹著鳗鱼粒，加上大量芝士，好香、好软熟。