Hugo Le Resto Grill (已結業)

喺四楼做facial，听个姐姐话二楼间餐厅几好，有个自助沙律吧，可以去试下。于是两姐妹做完facial就落咗去食嘢。环境几阔落，有卡位，座位都系沙发凳，坐得几舒服。仲有个大窗边可以见到出面街景。我哋坐低嘅时候已经就快两点，人流唔多，沙律吧嘅状态几整齐，令人满意。午餐餐牌所见都系以意粉汉堡包为主，啱晒我呢啲无饭主义者。我哋叫咗两个餐，可以有埋自助沙律吧、是日餐汤，再加咖啡一杯，个餐嘅setting 都叫做似模似样。点完餐就有两件面包先到，有温度嘅面包，外皮松脆，内里软熟。沙律吧嘅种类繁多，素食嘅朋友应该可以有几个回合，水果同沙律菜都好新鲜。粟米汤熬得很有诚意，仲食到啲粟米碎粒添，味道浓郁，口感顺滑。清香牛肝菌好健康，加埋啲忌廉汁，好啱我哋胃口，而且份量够我哋两姐妹share。汉堡包个份量颇为惊人，好多层，大大块芝士，好厚嘅安格斯牛肉，新鲜蕃茄，口感丰富。食物质素上乘，环境都几好，好relax，可以为您的假期增添不少气氛。