笠笠咖啡 (已搬遷) 新店位置

之前见到朋友上嚟呢度学整班同埋咖啡拉花,已经心旭旭好想试下啦.终于book到位啦,呢一间工作坊其实系一间cafe嚟嘅以前就喺火炭而家搬咗嚟旺角喇..一入到嚟cafe第一感觉就系好的的骰骰,但系咩都有所有咖啡嘅用具呀,材料呀,全部一应俱全.咖啡导师好细心咁样讲解点样运用工具,一步一步咁样教我哋整班戟.....天生画画能力比较差嘅我将只熊仔毁左容，好彩导师姐姐好细心甘帮我将佢微整形😂😂终于见得下人至于咖啡拉花方面， 佢有得畀你拣咖啡底或者朱古力，我就拣咗个朱古力底，导师姐姐就预先帮你冲好杯朱古力，然后上面啲泡就畀你自由发挥画公仔啦， 拉花嘅颜色有三种啡色，红色同埋黄色佢会预先帮你放好，之后你只要用支针慢慢点一点，就可以画到你想要嘅公仔㗎喇。当你完成咗杯朱古力泡泡之后呢，就会将你头先整嘅班戟加上伴碟咁就大功告成㗎啦。