REFLECT Restaurant & Bar

香港好似比較少餐廳主打墨西哥菜，呢間係旺角既REFLECT Restaurant & Bar 距離地鐵站只係幾分鐘既距離，上到樓上餐廳連住戶外天台位，好有feel～餐廳平日夜晚都幾full，如果想坐室內既位，就要預先book檯la。  1️⃣ 墨西哥烤肉（雞肉）（$208） 呢款墨西哥烤肉有啲似自製版既taco，一個鐵鍋熱辣辣上台🔥入面有炒洋蔥、三色椒、同埋雞肉，全部都切成條狀，包係玉米餅皮上面既時候好就手😌加入蕃茄莎莎醬、牛油果醬同埋酸忌廉，真係會令人會食完一件再一件😋  2⃣️ 燴牛面頰捲麵（$188） 呢款捲麵又係香港比較少見既，呈扭紋狀，中間既空心位係掛到汁既，配上用帶紅酒味既醬汁煮過既牛面頰同菇，好入味👍  3⃣️ 秘製燒墨魚（$128） 燒魷魚肉質爽彈🤩好香孜然味而且微辣風味夠曬惹味！  4⃣️ 自家制法式鳥結糖冰糕（$98 呢款甜品夠曬特別！用鳥結糖製成冰糕，但係食落一啲都唔會痴牙，亦都冇一般鳥結糖咁甜，食落有啲似雪糕質地，配上提子乾、杏脯肉仲有脆脆既杏仁片係面同底，層次豐富。