Little Fresh Cafe & Bar

营业中

休息中

铜锣湾揾食唔难，但要揾一间方便又舒适，食物有水准嘅就要花一点功夫啦。小店位于地铁站附近，旺中带静，简约装修，干净企理。是日餐汤洋葱汤，汤底浓郁，除左洋葱嘅甜味，仲加左少少牛肉，甜而不腻。伴碟嘅面包暖笠笠，烤得外脆内软，非常出色。田园沙律，清新翠绿。飞驒和牛汉堡汉堡包表面烤过，好软熟。中间嘅和牛牛味唔算突出，够jucy.加上流心蛋，生菜，令汉堡口感更丰富。伴碟嘅蔬菜轻轻煎过，都很可口。鸡肉拿破仑意粉外观上好似蕃茄酱意粉，但比蕃茄意粉带多点甜味，少了酸味，加上粒粒蕃茄肉，层次更好。意粉有咬感，挂汁做得相当唔错。仲有size适中嘅鸡肉，增添了肉香味，成功打开了味蕾。饮品拣左水蜜桃薄荷梳打同橙汁，为晚餐添上完美嘅句号。食物有水准，服务殷勤好客，让我地过左个轻松愉快嘅晚上。