柳園菜館 (已結業)

香港比较小食到广西菜，柳园呢度系以广西菜为主题，其实可能同广东菜口味差不多，不过都有少少特色嘅。楼上店地方比较宽敞。有个小茶壶，先来杯茶清一清。两款醉小食，一个系醉猪手、另一个系醉鸡。火龙果西瓜汁同提子苹果汁，香甜嘅果汁味。凉拌茄子， 茄子叠起坐似座小山丘，配上啲汁都几好味。韮菜炒虾干，同港式嘅小炒王差不多。呢个比较特别，系柳州螺丝粉，可以自己选择配对唔同嘅配料，简简单单配上豆卜、薄脆、花生、等嘅配料，螺丝粉质感烟烟韧韧，味道都唔错，亦有一种家乡风味。龙城烧鸡，有少少之风沙鸡，炸香咗个鸡皮，啲鸡肉都算嫩滑。