Bacchus (已結業)

契妹刚刚外游返港，玩完「零加三」即相约晚聚解放一吓，两口子就拣咗间可网上订座储分嘅楼上西餐厅「Bacchus」。餐店门面嘅金漆招牌及绿叶天花就好似一个花园咁。室内光线柔和，间隔开扬，白式墙身嘅凹凸花纹极富欧陆式风彩。两排餐桌隔得够开，配上嘅厚垫绒櫈舒适高雅。入座后即亮起罗曼蒂克嘅枱灯，好有气氛。桌上摆有金色嘅自用餐具。饮品牌共有两页。晚市套餐及小食餐牌则以底面分中、英文版。点好菜，年轻嘅服务生随即送上暖手窝心嘅面包。两款包品外脆内软熟，最欣赏就系伴配嘅松露蜂蜜酱，芬芳润甜。巴马火腿沙拉卷：前菜翠绿嘅沙律清新爽脆，部份以薄薄嘅巴马火腿包住，成功添上微咸嘅肉香，简单可口。法式洋葱汤：深啡色嘅洋葱汤甜而不腻，内含嘅洋葱软腍甜美，汤面件芝碎多士索尽汤汤嘅精华后即变得惹味香润，整体甚为轻盈。鹅肝义大利饭（$458）：主菜形似火山嘅立体碟盘十分精美！饭面大大件香煎鹅肝外脆内软嫩，芳香浓郁。加伴香脆嘅露笋，感觉十分健康。苹果金宝：以绿色圣诞叶点缀嘅苹果金宝散发出节日气息，上枱一刻已令人分外兴奋！甜品外观及口感同样层次分明，舖面嘅苹果薄片香甜爽口，底层嘅饼碎就脆卜卜，中间夹入清凉微甜嘅雪葩，效果清爽得