鮨處松戶 (彩星集團大廈)

营业中

休息中

今日由东涌行去昂坪，行完无限楼梯之后梗系要揾啲好嘢食下啦。于是就揾咗啲间位于尖沙咀Apple Store隔离嘅楼上日式料理。前菜嘅茄子配木鱼，茄子唔会太淋，调味啱啱好，作为前菜来讲已经很不俗。蟹子沙律啲蟹子多到爆，配合爽脆嘅青瓜，绝对系令人开胃嘅前菜。杂锦刺身分别有海胆、甜虾、三文鱼、吞拿鱼、油金鱼同带子。海胆鲜甜，略带咸水味，入口即溶。带子厚切，鲜甜得来又有口咬感。其他刺身都好新鲜，三两下就食完。带子牛油烧，用上忌廉同牛油去煮带子，每只带子都包住浓浓嘅酱汁，加上带子肉厚，令人有好满足嘅感觉。盐烧鸡翼皮脆肉嫩，加上少许柠檬汁，去咗本身少许嘅油腻感之后就更加清新，真系食多几只都唔过分。最后食埋个乌冬咁就饱住个肚咁走人。