一門 (已結業)

今日来到黄金广场揾食！最近见到有朋友系呢度打卡讲到啲嘢食好好食咁，吸引咗我嚟呢度试下！一门沙律，份量都几大盆。味道带点酸甜，面头仲有啲紫菜碎同木鱼碎，两者味道好香，味道好好，比起出面食嘅沙律更有创意同特别！点咗刺身薄切，梅色系是令鱼，配上酸酸地嘅酱汁，唔需要点豉油已经好够味，仲可以食到原先刺身嘅鲜味～刺身盛合 7款带子，虽然算唔上厚切，但胜在够鲜甜！海胆甜虾，一啲都唔腥，海胆够多！梅色，啱啱食咗薄切，估唔到厚切又系另一番滋味！吞拿鱼，鱼味较浓。深海池鱼同油甘鱼腩，两者油脂较重，食落有好香嘅鱼油～东洋卷，系煎Pancake配鳗鱼蟹子牛油果，呢个真系超推介！第二度冇得食架，用pancake嚟代替饭，包住入面嘅馅，食落有满满嘅馅料，真系好满足，而且饼皮有少少甜，同馅料出奇地夹！海鲜茶碗汤，用茶壶装住，里面有好多海鲜，蚬、蟹肉等，将海鲜原有嘅味道都煲晒出来～大虾海鲜饭，做法有啲似西式risotto，番茄酸酸甜甜，感觉唔会好油腻，而且仲有大虾、蚬肉同鱼子，丰富咗海鲜饭嘅质感，味道仲有所提升添！