八居酒屋 (旺角新城)

营业中

休息中

今日同妈咪去到旺角新城嘅楼上铺食日本嘢。呢度嘅空间望落都阔落，坐得都几舒服。先黎叫左烧银鳕鱼干，薄簿脆脆咁，点埋沙律酱食，愈食愈开胃。跟住黎左个蟹籽沙律，青瓜爽脆，正常发挥。之后就系仙台厚烧牛舌，原本啲牛舌应该系腌咗，所以好入味，食到佢落左蜜糖同黑椒去煮，味道偏浓，配搭埋芥末籽又几夹，佢仲有配埋「仙台渍」，姐系自家腌嘅菜同青瓜，酸得黎又唔会喇喉，中和左牛舌嘅浓味。最欣赏就系牛舌够淋，难怪系店员推介啦。芝士玉子烧，蛋味好重。海胆炒饭嘅海胆都新鲜，味道鲜甜，不过我觉得个饭可以炒得再干身啲，好彩佢有红萝卜粒粒充撑下个口感，整体黎讲都ok两个人叫咗五样嘢，连埋加一都系四百几，价钱合理，佢仲做紧个推广：有得玩夹公仔机，我哋两个人嚟食就有两次嘅公仔机会，夹到啲有分嘅波波就有得换嘢食，不过我哋夹公仔嘅技术有待改进，希望下次黎嘅时间夹到啦。