壹蒸鍋

已经有一段颇长嘅时间冇嚟兆万中心开餐，原来而家开咗好多食肆，楼上餐厅嘅热闹程度绝对唔会比楼下嘅闹市弱。呢间铺头可以话系一锅打天下，一个锅可以用嚟蒸海鲜，蒸完海鲜之后，锅里面嘅汤底又可以用嚟打边炉，另外仲有刺身食tim!我哋叫咗一个蒸松叶蟹鲍鱼海鲜盆嚟食，呢个蒸海鲜拼盘系我觉得成餐饭里面最值得推介嘅海鲜盆嘅款式并唔系揸流摊，甚至乎有名贵嘅龙虾，鲍鱼，扇贝，圣子，等等...海鲜拼盘里面我自己觉得最好味嘅系龙虾龙虾佢唔系净系俾啲壳你睇，里面系真系有唔少嘅龙虾肉，而且味道非常鲜甜；而扇贝我亦都好钟意，虽然唔系非常巨型𠮶种，但系好新鲜，有鲜甜同埋弹牙嘅感觉，再配上同佢最夹嘅蒜蓉粉丝去蒸，真系好正。叹完海鲜之后我哋就开始打边炉啦，火锅方面我哋就拣咗猪骨汤底&埋蕃茄汤底。我自己个人就比较钟意番茄汤底，肉眼睇到大概里面有最少有一个新鲜蕃茄，呢个汤底比我嘅感觉比较天然，而且健康d。而系火锅嘅配料方面，我自己系比较钟意蟹子墨鱼滑，滋补花胶，同埋酥炸鱼皮蟹子墨鱼滑入口绵滑；花胶唔使煮好耐已经食得，胶质感重，食完真系有一种滋补嘅感觉；而酥炸鱼皮脆卜卜，真系食到停唔到口。