壹食就醉

营业中

休息中

今日陪咗朋友去尖沙咀试礼服，试完就去咗天文台道附近揾食。系餐厅楼下见到卜卜蚬嘅招牌，心思思就一齐上咗楼上！餐厅呢偏向私房菜嘅形式，座位都几宽阔，坐得几舒服。麻辣卜卜蚬叫咗一份细size嘅麻辣卜卜蚬。虽然叫咗细份，但份量都唔会话好少，蚬肉都算大。慢慢等个汤底滚开，啲蚬壳逐只逐只慢慢打开，超治愈。芫荽同辣椒令到个汤底闻落好香，蚬肉好鲜嫩，冇沙，又够入味。避风塘炒蟹蒜粒炒到粒粒金黄色，惹味又香口，蟹肉结实，搞到我同朋友都要叫多碗饭泥送！椒盐九肚鱼同朋友仔真系唔热气唔钟意！另外仲叫多一份椒盐九肚鱼，椒盐炸九肚鱼又系好香口嘅𩠌，九肚鱼肉质都几滑，炸粉做得好薄，唔会话有一层好厚嘅粉皮。马拉盏炒生菜食咗咁多热气野，梗系要叫番啲蔬菜啦，生菜炒得啱啱好，唔会煮得太耐搞到好淋。