泰斗 (中達大廈)

营业中

休息中

今日同朋友一行四人黎到尖沙咀食泰菜，今次呢间泰菜系一间楼上店，星期二黎到都有唔少人咁！食泰菜好多时都系食个生虾开头，呢到有保鲜纸包住啲冰都算卫生，虾身都爽口好味既。之后叫左个冬阴公汤，呢到职员好好会问我地要唔要分上，一个细冬阴公汤刚好分左四碗，味道比平时饮既多左椰汁味同一种薄荷叶味。肉食拣左牛小排，呢到烧得好juicy都好稔，味道唔算重口味，配合佢既酱汁多啲酸辣都好惹味。烧牛舌口感一时爽口一时有啲靭，比较普通。青咖哩鸡椰汁味重，鸡肉好多，用黎送饭同蒜蓉包都系好好既配撘。讲到咖哩当然要提下我地个蒜蓉包，外脆内软，唔会过火太㶶同硬，蒜味浓厚，本身包质地好好，值得推荐。之后黎左一个炒金边粉，份量大碟，虾肉好多，火喉刚刚好又唔会太干太油。虾酱通菜，唔会太咸同埋酱味香浓。芒果沙冰，甜味会沈底，饮之前可能要搞搞佢。总结呢到服务都唔错，店员系我地叫左椰菜苗后因为食材出现问题都有及时提议转变菜式，如果黎到尖沙咀又唔想系地面闹市同人迫，上黎食个好味泰菜都不错。