Manecy's Studio Restaurant (已結業)

靓靓妈咪近日每晚都喺度追睇鼎爷教煮𩠌，所以一听到契妹周一话去书展，XO仔就立即搭单叫佢买多几本《鼎爷厨房》俾家中o既厨神们，并相约周三晚交收，顺便一试铜锣湾区内仍在试业中o既楼上西餐厅「Manecy's Studio Restaurant」。「Manecy's」o既红砖墙衬梳化椅极富欧陆风味，加上服务生亲切体贴，环境大方得黎好温暖。四页餐牌做到好似成份报纸咁，打开翻阅更觉轻松随意。炭烧香脆扇贝（$98）：热辣辣o既扇贝幼嫩软腍，惹味得黎不失鲜甜。黑松露杂野菌披萨（$128）：薄薄o既披萨批底极之脆卜卜，杂菌芬芳轻巧，食落一啲都唔油腻，一个人食哂真系话都冇咁易。因为早一晚食放题饮咗三个钟头啤酒，肠胃都未赶得切消化，晚饭就决定唔食甜品，只系饮咗杯特浓咖啡。点知见到契妹所点选o既「特式紫蕃薯朱古力盘栽」实在太过精美，结果都系忍唔住要影几幅相同大家分享一下。