金功夫點心火鍋 (已結業)

女友今日话要食打边炉，于是就系网上揾吓有无咩新店，揾左一阵就揾到行一阵就到既呢间楼上火锅，系唔想再揾之下就第一时间拉左她入去！这火锅店环境好舒适，加上装修又新，女友同我都感觉良好；之后细看点菜纸，发觉种类都几多，我们随后就叫左好几样野~第一样送来既就系呢个瑶柱白玉滑鸡锅，个锅好大，入面有一个小型冬瓜盅，入面有鲜鸡、红枣、瑶柱等，味道清甜中带点鲜，女友都话好好味打得边炉就当然唔少得牛，今次我就拣左安格斯雪花肥牛(例牌)，单睇个样已经无得输！雪花纹分布均匀，不会太肥，咬落肉香四溢女友最爱既油麦菜同蟹子墨鱼滑都系好新鲜！前者份量颇多，而且好新鲜，口感爽甜清新；后者墨鱼滑打得极胶，中间更夹杂著粒粒墨鱼肉，蟹籽都份量都好多，更不会好多味精，层次十足鲜味无穷！食得我地食完一嚿又一嚿，好快就被我地KO左~食得边炉都一定会叫吓d饺咁，今夜我地就拣左食黑松露饺及南翔小笼饺，由于系逐粒计，所以我地就叫左少少，咁就可以试多几样黑松露饺︰皮既厚度适中，入面既馅系有猪肉同菜，更有浓香既黑松露混在其中，每咬一口都极为滋味！南翔小笼饺︰饺皮有咬口，但唔会好厚，当中的猪肉更是好鲜甜，食得出唔系便宜货，伴著清甜的汤底食