影片
更多
2023-03-15
290 浏览
平日夜晚食Omakase（お任せ）下下都过千，晏昼食就比较抵，铜锣湾依家好多选择，今次就拣左系骆克駅11楼既”豊” (Minori Omakase)。上到去大约有10零个座位，地方好宽阔同感觉好干净，我地坐左系中间Bar枱既位置。今次我地叫左12件寿司set(旬のお任せにぎり１２贯セット及び巻物）。首先来的是前菜水云、蕃茄渍物 - 同埋合桃鱼仔，冰冰凉凉好醒胃。薄烧鲣鱼片 – 呢个我停唔到口，师父同我地讲系佢地买返来自己再烧脆，我觉得好似食薯片咁，鲣鱼味好香入正题天草石垣鲷 (天草イシガキダイ)- 本身石垣鲷系贵价鱼，日本有梦幻之鱼既称号，鱼油丰富得来系比较淡身的鱼，作为第一道寿司恰到好处。北海道帆立贝(北海道ホタテ)- 帆立贝好甜美，面上边的一粒粒系食用竹炭，口感清爽。九洲深海池 / 缟鲹(シマアジ)- 肉质白嫩，油脂感十足。地金目鲷(ジキンメダイ) – 为左唔会影响鱼肉既质感，地金目鲷一般系静冈县伊豆海域盛产，并且系渔夫逐条钓的。而地金目鲷为金目鲷中顶级的级别，脂肪及鱼油感最丰厚。牡丹虾 (ボタンえび) – 呢个有惊喜，师父用返只虾既虾脑放系只虾上面，充满左甘香味。太刀鱼 (タチ
上到去大约有10零个座位，地方好宽阔同感觉好干净，我地坐左系中间Bar枱既位置。今次我地叫左12件寿司set(旬のお任せにぎり１２贯セット及び巻物）。
首先来的是前菜
水云、蕃茄渍物 - 同埋合桃鱼仔，冰冰凉凉好醒胃。
薄烧鲣鱼片 – 呢个我停唔到口，师父同我地讲系佢地买返来自己再烧脆，我觉得好似食薯片咁，鲣鱼味好香
入正题
天草石垣鲷 (天草イシガキダイ)- 本身石垣鲷系贵价鱼，日本有梦幻之鱼既称号，鱼油丰富得来系比较淡身的鱼，作为第一道寿司恰到好处。
北海道帆立贝(北海道ホタテ)- 帆立贝好甜美，面上边的一粒粒系食用竹炭，口感清爽。
九洲深海池 / 缟鲹(シマアジ)- 肉质白嫩，油脂感十足。
地金目鲷(ジキンメダイ) – 为左唔会影响鱼肉既质感，地金目鲷一般系静冈县伊豆海域盛产，并且系渔夫逐条钓的。而地金目鲷为金目鲷中顶级的级别，脂肪及鱼油感最丰厚。
牡丹虾 (ボタンえび) – 呢个有惊喜，师父用返只虾既虾脑放系只虾上面，充满左甘香味。
太刀鱼 (タチウオ) - 即系我地食开既牙带鱼，师父用备长碳烧过，而佢地既烧法系有D特别，佢地系烧红左旧炭再用炭直接烤上鱼身，味道焦香之余亦减低油腻感。
中拖罗 (中トロ) - 来自九洲既奄美大岛，系7日以上熟成既拖罗，熟成既好处系将鲜味提炼得更浓郁，呢个都好有惊喜
赤海胆 (赤うに) - 来自北海道根室赤海胆，系香港食海胆一般都有少少怪味，神奇既系呢间既赤海胆系异常地鲜甜，同系日本食既海胆有得比，紫菜亦十分脆口。
Baby Tuna (カツオ)－baby tuna 比正常吞拿的肉质更柔软，但系甜度不会比正常吞拿逊色。
银雪鱼 (ギンダラ) – 来自北海道既银雪鱼，相对baby tuna冇咁浓味，爽口为主。
赤鯥(アカムツ) – 长崎县的赤鯥，有冬季两大红身鱼贵族之一的称呼，入口油脂感十足，入口即融。
鲭鱼捧 (バッテラ) - 大阪名物的押寿司，师父好细心咁比我地影相先，之后先用手包埋另一边紫菜，鲭鱼系烧过的，酸甜味平衡得刚刚好。
碎吞拿鱼手卷 (トロロール) – 同一般吞拿鱼手卷不同，入边唔系包左葱，而系包左米通，芝麻同黄瓜，米通同芝麻增加左整个手卷的香味，黄瓜则减低了油脂感，高平衡之作
最后仲有面豉汤、蒸蛋、雪糕同羊羹做结尾。
值得一提系呢间寿司米用赤醋做的，赤醋比一般白醋更香，呢个都唔系好多地方见到。食Omakase除左系食物质素外，师父的服务都好重要，今次师父好详细同我地讲解野食之余，仲同我地有讲有笑，最重系lunch set咁多野食都系600几蚊一个人，性价比好高，呢间下次绝对可以返挞。
张贴
