江浙滬 (堪富利士道) (已結業)

之前试过铜锣湾𠮶间麻麻地，今次黎尖沙咀试多次。佢好似8月时装修过，但入到去又唔觉边度好新净，同埋人都唔算多。叫左个醉鸡、凉伴海蜇头青瓜、清炒河虾仁、酸辣汤、小笼包同埋担担面，最后再叫多个豆沙窝饼做甜品。醉鸡不错，好香花雕酒香，又不会太呛喉，而且鸡都有啲鲜味，肉质结实滑嫩。凉伴海蜇头青瓜相对失色，海蜇头同一般的有分别，好薄同埋深色，虽然好爽脆，但不够厚身影响口感。清炒河虾仁性价比就好低，个份量好似得一半咁，虽然味道不错，但相对几贵下。酸辣汤够大碗，2个人分都得，又辣又酸，好味。小笼包皮好厚，不过味道都不错。担担面就好香花生味，汤底浓郁，面条软滑。豆沙窝饼有惊喜，唔算好油，煎炸得好香水口，豆沙馅好多，份量又大，有8块，吃到好足。尖沙咀分店比铜锣湾好。