Hugo Le Resto Grill (已結業)

又热又焗嘅天气，食野都想揾个舒服啲嘅地方，唔想同人逼，今日嚟左位于铜锣湾嘅一间楼上餐厅，环境同座位都令人坐得非常舒服。-叫左两个set lunch，一个大虾青口蕃茄蓉意大利粉，另一个set叫左美国顶级牛板腱扒。餐厅最特别系有自助沙律吧，有大约十种材料选择，仲有四，五种酱料可以加。可以根据个人喜好拣食材，最正系有烟肉碎同面包粒，十分满意！之后上嘅系餐汤同蒜蓉包，今日餐汤系番茄汤，味道清新，蕃茄味浓郁。蒜蓉包一啲都唔求其，每一口都食到香浓蒜蓉味！主菜大虾青口蕃茄蓉意大利粉，今次嘅蕃茄酱比刚才嘅蕃茄汤更多层次，加上洋葱，蒜蓉等配料同大虾，青口嘅海鲜，爱蕃茄人士一定会爱上佢！另一主菜美国顶级牛板腱扒，叫嘅系五成熟，厨房煎得刚好，肉质鲜嫩，配上惹味酱汁，很不错。而薯条鲜炸，香脆好吃。-野饮叫左一杯热latte，一杯冻奶茶，整体都有水准，必定再来！