部屋咖啡室

星期天約埋相識超過三十年老友仔，出旺角聚下舊食下嘢。之前來過呢間樓上餐廳，記憶中坐位十分舒服，啱曬我哋可以坐得耐有排傾。我們三個人，點選了二人自選套餐（$308），包一款小食，選了「炸蟹餅」即叫即炸，香脆彈牙有汁肉，又幾好食喎。自選意粉「辣虎蝦意粉」，汁多足量，青口、虎蝦大隻有鮮味，味道不錯。自選Pizza 「10吋西西里pizza」，批底適中，辣肉腸，肉碎火箭菜相當夾，出奇好味。我朋友吃素，所以另外㸃了「素菜闊條面」（$108）及「焗芝士西蘭花」（$45），最正個汁好特別，而且都幾惹味。最後唔少得甜品「雪糕朱古力厚多士」（$82）也非常不錯，超邪惡但香濃美味。特飲「錄茶紅豆」（$22）及Latte（跟餐+$6）都有質素，值得推介可以同朋友聚餐，價錢算合理，有回頭率。