影片
更多
2022-10-08
45 浏览
嚟介绍特色餐厅啦🍜发现自己都有一段时间冇介绍过面食🥹，所以呢排都揾咗几间有特色嘅面食餐厅介绍畀大家🫡。如无意外嘅话，就应该嚟紧几个post都同面食有关㗎啦🤣。而我今日要介绍嘅就系位于旺角嘅餐厅😎，餐厅就系主打石锅米线嘅🫶🏻。想知我𠮶日食咗咩就要继续睇落去啦！环境方面☝🏻餐厅嘅设计就系楼上舖嘅性质为主🙌🏻，所以相对地其实佢楼上嘅空间都几足够👾，就咁睇都可以容纳到好多枱食客❤️。我𠮶日就好好彩咁样有卡位可以坐😬，整体用餐体验都几舒服😌。食物方面✌🏻#石锅米线套餐（九𩠌）($88)首先第一样要介绍嘅就当然系餐厅嘅招牌食物石锅米线啦🥰。讲真我就真系第一次见有九𩠌嘅米线套餐😬，都算系几surprise🤣。喺呢个套餐入面除咗拣咗啲养生𩠌（虫草花、皇帝菜）😎，另外都仲叫咗啲相对地经典嘅𩠌（嫩滑鸡肉、猪膶、墨鱼丸、炸酱）。我自己觉得有两款𩠌都几惊艳到我😍，第一款就系五香辣猪软骨。除咗软骨嘅部分够淰，佢嘅份量都够晒足料，加埋带有少少五香辣嘅味道，真系整得几出色！第二款就系黑毛猪梅肉片🐖，肉片唔会切到好薄，所以都保留到应有嘅口感🫡。同埋真系食落就感受到黑毛猪同一般猪嘅分别🫶🏻。虽然我系叫石锅米线套餐，不过最
发现自己都有一段时间冇介绍过面食🥹，所以呢排都揾咗几间有特色嘅面食餐厅介绍畀大家🫡。如无意外嘅话，就应该嚟紧几个post都同面食有关㗎啦🤣。而我今日要介绍嘅就系位于旺角嘅餐厅😎，餐厅就系主打石锅米线嘅🫶🏻。想知我𠮶日食咗咩就要继续睇落去啦！
环境方面☝🏻
餐厅嘅设计就系楼上舖嘅性质为主🙌🏻，所以相对地其实佢楼上嘅空间都几足够👾，就咁睇都可以容纳到好多枱食客❤️。我𠮶日就好好彩咁样有卡位可以坐😬，整体用餐体验都几舒服😌。
食物方面✌🏻
#石锅米线套餐（九𩠌）($88)
首先第一样要介绍嘅就当然系餐厅嘅招牌食物石锅米线啦🥰。讲真我就真系第一次见有九𩠌嘅米线套餐😬，都算系几surprise🤣。喺呢个套餐入面除咗拣咗啲养生𩠌（虫草花、皇帝菜）😎，另外都仲叫咗啲相对地经典嘅𩠌（嫩滑鸡肉、猪膶、墨鱼丸、炸酱）。我自己觉得有两款𩠌都几惊艳到我😍，第一款就系五香辣猪软骨。除咗软骨嘅部分够淰，佢嘅份量都够晒足料，加埋带有少少五香辣嘅味道，真系整得几出色！第二款就系黑毛猪梅肉片🐖，肉片唔会切到好薄，所以都保留到应有嘅口感🫡。同埋真系食落就感受到黑毛猪同一般猪嘅分别🫶🏻。虽然我系叫石锅米线套餐，不过最后我系转咗薯粉🤣，因为我觉得薯粉同我要嗌嘅酸菜鱼汤会比较夹啲🫣。薯粉口感够晒烟韧，同埋因为薯粉本身唔算话好粗，所以咬落都冇咁辛苦🥳。酸菜鱼汤本身就已经够晒醒胃，绝对啱晒食咁多𩠌嘅套餐❤️。
#芒果冻顶乌龙茶（+$12）
跟套餐我就叫咗杯特饮😋，要讲呢杯特饮最大嘅特色就真系个份量🤣。就算系食晒成枱嘢都仲未饮晒杯嘢，可以话系超抵饮🙏🏻。入面会有啲芒果蓉🥭，所以只芒果汁唔会太假。
#川式凉面（$48）
之后要介绍嘅我觉得系消暑必备嘅主食嚟🥳，就系川式凉面啦。呢款凉面套餐包括埋自选两款𩠌，我𠮶日就拣咗鸡丝同埋猪肚🤩。讲下个面质先，幼面够晒爽口😍，同埋唔会太多红油挂喺面，加上青瓜丝有助解腻🥒，大大减少油腻感👍。至于自选𩠌方面，猪肚咬落去好扎实🤤，而鸡丝因为有辣嘅调味都唔会话太干🫡。
#飘香红油皮蛋（$18）
以小食皮蛋嚟讲，佢嘅价钱真系算几公道🤑，廿蚊都唔驶就叫到份皮蛋。讲返味道先，餐厅皮蛋嘅碱味唔会话太重👍，食落口感清甜爽口👊🏻。就算本身唔系食开皮蛋嘅，都一样可以试下🫡。
见到餐厅menu有一页系专门为串烧而设✨，所以我都拣咗几款睇落几吸引嘅串烧试吓🤤。
#蒜蓉烧扇贝（$35）
蒜味十足🧄，烧完之后完全系将蒜味融入咗喺扇贝！
#沙嗲牛肉串 ($18)
沙嗲味浓郁，牛肉嘅size同一口牛差唔多，食起嚟好方便🐂。
#墨鱼头（$15）
墨鱼够弹牙🦑，有好浓嘅焦香味，证明烧得啱啱好。
#猪肉串（$16）
猪肉串选用咗半肥瘦嘅部分🐖，食落唔会太油，另外孜然味都好香。
评分以🌕表示（满分为5）
环境：🌕🌕🌕🌕🌑
卖相：🌕🌕🌕🌕🌑
味道：🌕🌕🌕🌕🌑
服务：🌕🌕🌕🌕🌑
张贴
