Little Tipsy Restaurant & Bar (已結業)

观塘越开越多楼上餐厅，中西日韩你谂到嘅都有。拣到眼花之际，见到依间餐厅网上订位不但有九折，仲有飞行里数奖赏，同埋无用餐时间限制，就决定同旧同事去食晚饭慢慢倾。餐厅唔系好大，暗暗地几有气氛，但枱与枱之间太近同埋餐厅音乐太大声有少少嘈。海胆味浓，意大利饭好Creamy，巴马臣芝士好香，饭面海胆新鲜。记紧要亲热食否则冻咗就食唔到Creamy嘅口感。 羊架肉质鲜嫩唔肥唔膻，煎得刚刚好。薯仔批煎得香脆，有少少忌廉味好醒胃 。普罗旺斯嫩菜有青瓜粒、黄瓜粒、茄子、洋䓤及蕃茄，酸酸甜甜好开胃。蕃薯好香甜，配酸忌廉一齐食，酸酸甜甜味道不错。但蕃薯条切得太薄，食起上嚟口感欠逢。