Fûhn (The L. Square) (已結業)

今日同朋友喺铜锣湾行街，两个人讲起想食越南野，就搜寻左呢一间隐世小店，佢哋系楼上铺环境唔大但系座位都好阔落。我哋就点左佢哋嘅招牌河粉，佢哋呢度食河粉都好有步骤讲究，令到你可以是出唔同嘅风味，可以首先完美咁试一试佢哋嘅汤底，试完之后就可以加返后边𠮶啲是拉差酱或者海鲜酱，令到个汤底有唔同嘅风味!个香茅猪扒都煎得好香脆，配搭埋个粉一流。另外我哋都点左个三上小食拼盘，入面有炸虾饼啦春卷同埋呢个牛油鸡翼，食得出每一样都系即叫即炸，虾饼好大件系手打嘅，春卷入面啲馅都系好足料 ，鸡翼炸得好脆好有牛油香味。最后点多左份香烤芝士虾饼法包同杯芒果益力多沙冰，法包份量好大，包上面铺满晒虾肉，呢个价钱绝对物超所值，食落好香口！