辣蟹舫 (已結業)

朋友介绍 话呢间餐厅D野几正,又有优惠卷,一于去试下啦~佢个入口好隐蔽,我地系停车场坐lift上去既。首先叫左个黄金虾球。佢个虾球上面有鸡蛋黄包住,炸到脆脆地,虾肉亦都好爽口。虾肉同蛋黄既味道好match。佢配埋个水果沙拉,食完之后会无咁油腻之后系酸菜石班鱼。佢个汤好鲜甜,唔会有任何鱼腥味~~ D 酸菜配埋石班鱼一齐食个感觉好特别! 口感好丰富。个鱼仲有D弹牙,好新鲜。最后到主角~ 避风塘炒蟹! 佢个蟹炸到脆脆地,差D连个壳都食埋阿~ 最正既系佢上面D配料~ 连埋蟹一齐食, 正~ 建议大家一定要带走佢D配料,拎返去炒菜、送饭一流阿!唔好浪费!!