胡爐 (已結業)

最近天气开始变冻，我同朋友行完街之后，我哋都好想食啲暖啲嘅嘢，咁啱见到附近有胡芦，之前一直都好想试吓，所以就去咗打边炉！咁食物方面佢哋都好多选择，而且仲有几个汤底可以拣，款式好多样。胡椒猪肚花胶鸡窝 $268我同朋友就拣咗呢个汤底，果然冇令我哋失望！汤本身好浓郁，加上啲料都好足，有好多猪肚同埋咸酸菜，猪肚爽口弹牙，咸酸菜令到个汤味道更加多元化。花胶同埋鸡就系另上比你自己加落去，鸡肉好新鲜，煮完之后都好嫩滑，而且吸收左汤嘅味道，有少少胡椒嘅香味。花胶力都好弹牙，骨胶感重，份量都好多！！胡炉牛拼盘 $398呢个拼盘有几款牛肉，有牛舌芯、安格斯手切牛、极上手切肥牛、霜降牛粒同埋牛胸爽，所有嘅油花都好靓，亦都好新鲜。安格斯手切牛牛味浓厚，肉本身亦都比较厚。霜降牛粒油脂感丰富，牛味同油脂两样都有，好平均，食落好满足。牛胸爽好弹牙，每一啖都充满油香。泰式无骨凤爪 $78我哋估唔到佢有凤爪，所以叫左个嚟试下。凤爪铺满泰式酸辣汁，好惹味。而且佢都有好多配料，例如洋葱、萝卜丝等等，配料都吸晒酸辣汁，同凤爪亦都好夹。手打香茜炸菜牛丸（4粒）$52牛丸味道浓郁，加上芫荽嘅香味同埋炸菜嘅口感，令到口感更丰富。