Coffever (已結業)

第一次来吃lunch，刚坐低就不经意听到老板（？）同客人讲因为疫情关系生意大减，为免浪费食材，唯有将餐牌选择收窄控制存货。内心暗暗欣赏佢哋对出品嘅坚持同时带有期望午餐有四款选择都唔算少，睇落都好吸引，绝对重质不重量。午餐免费跟粟米汤，一饮就知道系自家制作，质地冇一般粟米羹咁厚重，粟米味比较清甜，有少少粟米衣，希望帮补到今餐纤维量😂慢煮封门柳份量好足，厚薄适中，咬落去肉质有口感，仲带好香牛味同肉汁，温泉蛋个状态啱啱好捞落意粉上餐时店员有介绍，明太子有半条已经混合咗煮酱，剩低半条可以当𩠌食或捞埋食。试一口意粉都够明太子味，但蒜香味略轻，第一次咁样直接硬啪原装明太子好有新鲜感，无预期咁浓味，微微辣同带有咸香，炙烧带子刺身仲保留到带子鲜味，轻轻炙烧过而外脆内软，份量足够Latte (+$28)拉花好出色，咖啡味不俗但唔突出，以铜锣湾区而言整体定价合理，店面唔大但精心设计过，干净而坐得舒适，用餐时间为入座起90分钟，但如无人等枱亦可以继续坐，一直对楼上cafe食物唔敢有期望，但呢间真系绝对值得回头