Amour Garden Grill & Bar (已結業)

今日约左班旧同学系旺角聚旧，又想饮下酒又想食西式野又想静静地倾计，其中一位就提议去佢之前去过既Amour Garden食，我地一行人系朗豪坊行过去唔使十分钟。上到去餐厅地方宽阔，灯光足够，餐厅中央有个大型投射萤幕播紧MV，仲有卡拉OK功能，正!!!近门口位置仲有两部飞标机。最正既就系餐厅出面有个大大天台可以BBQ。我地叫左个四人餐，包汤，沙律，二个小食，四个主菜，餐饮同甜品。白汤鲜甜，沙律新鲜上面有巴拿马火腿。小食好香牛油味，鸡翼煎得刚刚好，蒜香好入味，带起左成只鸡翼既野味。够晒低脂无咩脂肪，猪肉烤得外脆内软，入口松化。主食BBQ汁铺系猪骨上面非常香浓，肋骨猪肉够香滑鲜嫩，一切就切到。果然真系香煎，成块龙利柳外层煎得好脆，龙利肉带有牛油味，唔油腻。西冷扒煎得岩岩好，肉质弹牙香软。黑松露香味充斥住整个意大利饭，再加埋忌廉同芝士，令全个饭非常 creamy香浓。意大利饭饭质松软富有口感。大大只海虾同好多鲜虾，虾肉鲜甜弹牙。黑松露香味亦都渗晒入意大利粉裹面。甜品木糠份量刚刚好一层薄薄系布丁上面，布丁有好香浓牛奶味入口香滑。