串燒咖啡 (已結業)

旺角嘅楼上Cafe何其多，每一间Cafe店都各有特色，但食物方面就唔系每一间都做得好好。呢间Cafe环境舒适，灯光略暗，很有情调。班尼蛋卡邦尼意粉值得一食，意粉好有弹性，咬落去有小小回弹力，烟肉肉质软熟，唔会太过轫，班尼蛋混落意粉会变得更加滑溜好食，又可以有一次整穿蛋嘅快感。意粉或饭有套餐，加多$10蚊就可以配个田园沙律，紫生菜唔会苦，好鲜甜。朱古力曲奇奶昔卖相好靓，有香浓嘅朱古力味，奶昔顶插住两个Oreo，又有得食又有得饮。酥炸鱿鱼炸得好香口，外脆内烟轫，温度适中，建议要快D食，放冻左就会淋，无咁脆口嫁啦。小食拼盘有薯条，鸡翼，麦乐鸡，鸡翼整得好入味，外皮小小脆口，肉质软滑，锁到肉汁。好食嘅薯条都系要够粗够热，咁先可以食到外脆内软嘅感觉。去Cafe点少得甜品呢，草莓香草松缾好软熟，不过不失，松饼嘅味道本身已不太突出，需要另加配料一齐配搭，配雪糕及草莓一齐食，一冷一热嘅感觉好有趣。