樓下冰室 (已結業)

猫猫好耐无食瑞士鸡腿。好挂住呢度既瑞士鸡腿。于是猫猫就过黎再享受美食。冰室依然咁多人，呢度最正就系有卡位可以坐。坐得好舒服。猫猫order左个瑞士鸡腿。鸡腿依然咁大只。猫猫食第一啖，味道同之前食一样。浓郁既甜味，又有少少甘，好大阵香味，令猫猫又湿左个嘴。猫猫钟意鸡肉既质感。鸡肉好滑，仲吸晒瑞士汁。汁既甜味令到鸡腿味道再提升一个层次。鸡腿又有弹性。好好食呀喵！跟住猫猫order埋个火腿俺烈同牛油厚多士。估唔到咁大份。个俺烈成个碟咁大。入边仲有好多火腿呀。牛油多士好香牛油味。仲有蒜蓉香味。同俺烈系绝配。蛋整到入边仲有滑滑地个汁，好正喵。猫猫饮左杯冻绿椰冰。绿豆蓉好香，椰汁又香。落足料，见到绿豆蓉好多好多，好舍得俾绿豆。天气开始热既时候，饮返杯绿椰冰，猫猫感觉升天。猫猫真系好幸福今日。