樓下冰室

营业中

休息中

啱啱踏入6点钟，已经好肚饿，经过见到楼下冰室，啲嘢好啱胃口㖞，快啲入去食嘢啦！好，坐低睇吓有咩好食先。招牌瑞士鸡髀配多士沙律，只鸡髀超大只，仲有个瑞士汁甜咸度适中，每一啖都好入味。西多士，好耐冇食过真正嘅西多士，呢个西多咬落去系暖笠笠、软绵绵嘅，里面仲要有花生酱，正呀！鲜浓茄牛肉烩意粉，怀旧经典菜式，牛肉片片软腍，个茄酱煮得好好，有时出面一般会食到生粉味，呢个绝对唔会。公司三文治，系我食过最多料，而且好整齐，整得好靓，咬落去有丰富口感。忌廉红豆冰，又滑又creamy嘅忌廉，椰汁配埋半起沙嘅红豆，好耐冇试过饮咁好味嘅红豆冰。