樓下冰室 (已結業)

留咗系屋企咁耐，都要出下街抖下气嘅，所以就约埋朋友一齐去附近食饭。一入到黎见到呢度做好晒所有防疫措施，有唔同嘅间隔，咁就食得放心啦。😗我哋嗌左特色蕃茄浓汤通粉配吉列鱼柳扒，招牌瑞士鸡髀，芝士焗西兰花，我就嗌咗一杯忌廉红豆冰。🤓🤓我最钟意呢个特色蕃茄浓汤通粉，因为佢个蕃茄浓汤真系好浓，佢啲通粉又够入味，最不得了嘅系啲蛋够晒滑，我相信系加咗牛奶落去一齐炒嘅。食到滑嘅炒蛋真系个人都开心啲，唔怪得喺呢度招牌啦。😍😍至于另一个招牌瑞士鸡髀，又系好入味，就算切开入面，全部嘅鸡肉都有好香嘅瑞士汁，钟意食瑞士鸡髀嘅人真系唔可以唔嗌。😏😏芝士西兰花呢，我最钟意就系啲西兰花煮得够爽口，咬落去唔会太稔，正。😀不过我觉得最加分嘅位就系个杯忌廉红豆冰，好少喺出边其他茶餐厅会见到。我一见到就俾面头嘅忌廉吓亲，真系够晒足料啊，啲忌廉够香，配埋红豆蓉真系夏天消暑嘅最佳饮品😋😋😋