樓下冰室

营业中

休息中

虽然好多朋友而家大多数都会留喺屋企，不过少不免总有两餐在外，我地就唔去咁远了，多数喺楼下茶记搞掂。楼下冰室系其中一个最经常帮衬嘅，钟意呢度啲野啱食，价钱合理，位置都阔落，唔洗左逼右逼黎呢度我多数点招牌蕃茄通、瑞士鸡翼、叉烧蛋饭，出品稳定。除左呢啲，仲有一般冰室餐点，例如焗饭、汤饭、炸物、小食等。茄牛通足料，茄汤比较稠身，唔系沟水果种，饮落都好浓茄味，冇乜味精感觉。通粉基本上都索哂汤，唔会煮到太腍身，本身跟左牛乳炒蛋，另加一𩠌，我拣左鲜牛肉。牛肉薄片，唔会过松，性价比高泡饭三款，分别有胡椒猪肚鸡、蚝仔肉碎同蕃茄薯仔，天气凉凉地就钟意点胡椒猪肚鸡暖身，饮落微微辣，惹味开胃。里头鸡件不少，都算啖啖肉，而且猪肚都多，食落比较有咬口，配埋娃娃菜，有肉有菜有汤，好满意通常我地会点多份瑞士鸡翼，好高质架，我觉得好食过鸡脾。鸡翼三只，轻轻用叉已经可以将佢分拆，可见煮得几腍，瑞士汁完美融入鸡翼，入味但唔会太咸汤浸娃娃菜系因为呢期冇乜菜食所以点的，娃娃菜汤醇，里头仲有少量菇。钟意呢度嘅华田脆脆，甜而不腻，口感丰富；菠萝冰都有诚意，用鲜菠萝肉架。