影片
更多
2021-01-04
468 浏览
一向都系呢间茶记老街坊成日都帮衬，平时每次见到呢位楼面大家姐(唔知系咪老板娘啦)都黑口黑面串串贡，印象已经不太好，但其他楼面d姐姐个个都好 nice 好好人! 见佢企喺门口处用极度恶劣嘅态度超级大声不停呼喝d食客： 【量。体。温！】，佢d态度恶劣程度十足十好似监狱风云入面果d囚犯俾狱长命令式呼喝甘样，令人感觉超难受同侮辱o罗，叫客人量体温o者，驶唔驶咁嘅态度呀？？ 个样好似想杀左人咁嘅款，一ｄ礼貌都无，尽显无品无修养完全唔尊重人，就算间餐厅d野几好食都无用啦，呢位黑面神大家姐甘嘅态度都已经极度赶客！ 真系以后都唔会再帮衬，简直贴钱买难受！不知所谓！乐华大把好食嘅茶餐厅，洗受你果d死人面色同受你气，黎食野仲要俾你命令式大声呼喝…咁多年去过无数茶餐厅，从未见过d楼面态度如此恶劣，你系大家姐大晒咩！我又唔系你餐厅嘅员工，又唔系出你粮，点解俾钱食野仲要受你呢个8婆不礼貌对待呀？！！ 最近于社交网上发现呢位黑面神大家姐原来真系超级无品架，佢会将"佢认为"系西客嘅客人个样从CCTV截图放上网公审架，大家去食野时真系要小心呀！！！
张贴