船皇 (謝斐道) (已結業)

其实2020食过几次，估唔到今次会差到咁。简直系呢10几年黎最难食嘅一餐！首先，楼面的态度极度恶劣。叫餐嘅时候唔记得仲有面底可以拣，就随即问店员有乜嘢面底，点知个店员就超大声，发晦气咁一句车埋嚟「唔该你哋拣好再叫我！」，其实得几款面底佢随手介绍吓都唔系一件难事，可以一句就讲晒！随后朋友同我都拣好咗，喺店员经过嘅时候就同佢讲咗声要咩面底，点知佢扮听唔到，见我哋坐咗10几分钟之后佢再扮冇嘢再问我哋「请问要咩」。其次，食物极度难食，完全失晒水准，建议有兴趣去食嘅都唔使嘥时间去。我叫嘅系汤面而朋友叫嘅系捞面。个汤面一嚟到，一滴汤都冇😓😅然后啲肉劲干，猪膶有腥味，成碗都系冻嘅，啲河粉一饼一饼咁样食到一半个店员先话「哎呀唔记得咗比碗汤你」😓我仲谂点解汤面可以无汤。再讲下朋友碗捞面，个面又系冻嘅，一滴汁都冇唔知点捞呢？！啲𩠌又系同我𠮶碗一样劲似人哋食净左嘅猪哨，喺垃圾桶执返上嚟咁！店员态度恶劣、食物劣质，呢一餐又受气，嘢食又难食！