影片
更多
2021-06-21
63 浏览
❀ Mamaday Studio #油麻地 #💛❀❗️楼高三层玩味甚强Cafe 到处都系打卡位❗️——————————————————相信大部份人对Mamaday都唔会陌生，佢哋凭着大胆玩味嘅风格杀出一条血路，吸引咗好多年轻人✨前牌佢哋喺佐敦一幢唐楼开咗间新嘅Cafe，三层高，装修有复古味道得来又有新派玩味嘅摆设，而且仲有露台，成间舖头充斥着打卡位📸️食物主要为咖啡、小食，采取自助形式，楼下order完之后，自己攞上上面拣喜爱嘅位置。另外仲有两只猫咪喺度🐱，几痴人㗎都！.✷𝑀𝑒𝓃𝓊✷☞ 精选蛋糕 蓝莓利宾纳慕丝蛋糕 $48 (4.3/5) 有惊喜😆落单之前冇实物图，本身听到利宾纳有啲惊惊地，不过见其他甜品款式又冇咁特别，决定试一试！冇谂过利宾纳嘅提子香气同蓝莓系咁夹，最出色系面头有利宾纳嘅啫喱，入口之后溶化，同慕丝混合得好好👍🏻。而且成件事好清新，又唔会好似芝士蛋糕咁腻，值得试(PS应该唔系恒常款式，如果遇到就记住试啦).☞ 松露蕃茄贝果 $56 (3.8/5)以Cafe bagel来讲，我觉得翻热得算系唔错👌🏻。能够做到外微脆，但唔刮口。内烟韧，唔会过干或者过湿。都食到干蕃茄嘅香气，就咁食
❗️楼高三层玩味甚强Cafe 到处都系打卡位❗️
——————————————————
相信大部份人对Mamaday都唔会陌生，佢哋凭着大胆玩味嘅风格杀出一条血路，吸引咗好多年轻人✨前牌佢哋喺佐敦一幢唐楼开咗间新嘅Cafe，三层高，装修有复古味道得来又有新派玩味嘅摆设，而且仲有露台，成间舖头充斥着打卡位📸️食物主要为咖啡、小食，采取自助形式，楼下order完之后，自己攞上上面拣喜爱嘅位置。另外仲有两只猫咪喺度🐱，几痴人㗎都！
.
✷𝑀𝑒𝓃𝓊✷
☞ 精选蛋糕 蓝莓利宾纳慕丝蛋糕 $48 (4.3/5)
有惊喜😆
落单之前冇实物图，本身听到利宾纳有啲惊惊地，不过见其他甜品款式又冇咁特别，决定试一试！
冇谂过利宾纳嘅提子香气同蓝莓系咁夹，最出色系面头有利宾纳嘅啫喱，入口之后溶化，同慕丝混合得好好👍🏻。
而且成件事好清新，又唔会好似芝士蛋糕咁腻，值得试(PS应该唔系恒常款式，如果遇到就记住试啦)
精选蛋糕 蓝莓利宾纳慕丝蛋糕
$48
10 浏览
0 赞好
0 留言
.
☞ 松露蕃茄贝果 $56 (3.8/5)
以Cafe bagel来讲，我觉得翻热得算系唔错👌🏻。
能够做到外微脆，但唔刮口。内烟韧，唔会过干或者过湿。
都食到干蕃茄嘅香气，就咁食唔搽酱都OK。另外会配埋松露cream cheese，点埋就更香。
(PS凭外貌口感，我觉得同blendit好似，不过上网又好似揾唔到佢哋有partnership，我自己本身都OK blendit嘅texture，不过惊喜就冇咁大。而且呢个价钱都算贵，网购更加大更加丰富馅料嘅bagel都唔需要呢个价。)
6 浏览
0 赞好
0 留言
6 浏览
0 赞好
0 留言
.
☞ 豆腐豆腐咖啡 $48 (3.9/5)
系加入咗豆腐成份嘅latte，容易入口，尤其适合钟意奶啡嘅人。
喺咖啡底里面加咗少许豆腐渣，表面再加左一球豆腐雪糕。
豆腐雪糕味道都算香，不过口感稍为有啲似忌廉，而且摆好耐都唔会溶，自己觉得有啲腻🤭。
.
☞ 是是鬼鬼但但 $58 (3.9/5)
略有啲哗众取宠嘅感觉，其实就系柚子味tonic coffee🙈。
不过都好饮嘅，柚子嘅酸甜清爽，中和到咖啡嘅苦，但同时间依然饮得出咖啡嘅香气，喺炎热嘅天气饮番杯都几清凉。
而且亦有渐层，都算靓。
29 浏览
0 赞好
0 留言
——————————————————
✨整体味道: 3.9/5
✨环境装修: 4.7/5
✨服务态度: 3.5/5
✨性价比: 3.7/5
✨再访兴趣: 3/5
.
💞整体来讲
成间Cafe真系好有gimmick，单单系Cafe嘅外型已经非常值得打卡，内里三层高，仲充满各式各样嘅独特摆设，难怪开业一段时间依然有咁多人嚟影相📸️。食物选择就算好多，主要都系咖啡、小食、甜品，回头度未必太高，但值得参观一次。而且里面仲有猫猫🐱，都几亲人，可以话系一间猫Cafe(?)🤣。
——————————————————
Mamaday Studio (油麻地)
🚩油麻地白加士街105号地舖
张贴
