王家沙 (已結業)

在香港食上海菜黎讲，我觉得王家沙既水准都叫左唔错，而且整体既表现都几好。呢间系又一城的分店设计系半开放式的，刚好又系商场的一角，所以可以采光同时又唔会好似太exposed😃基本上佢lunch同dinner都系同一个menu，有小食、点心🥟菜🥬肉同粉面🍜等，总有一样啱你食。不过如果有lunch set会更好。坐低就一定会有碟花生仔做小食，落左单都好快就上菜。三丝粉皮系同事既最爱，呢碟既份量都唔少，不过我觉得粉皮可以做到更薄就更好。鸡丝、火腿丝、青瓜丝同麻酱都好多，捞起来口感都唔错既。三鲜煨面🍜既卖相麻麻，但食落都几好，个汤清甜得黎佢都有落到D金华火腿，令到成个面既味更鲜。菜、虾同肉都几多，两个人share刚好。另外我点了个煎锅贴🥟厚皮但口感都好食，可惜肉汁少左D，而且煎得唔够㶶，好似有少少赶时间同火候唔太够咁。最后食埋个炖雪梨🍐做甜品，呢个本身的材料就好吸引，成个雪梨加埋雪耳、龙眼肉同红枣，炖埋一齐真系冇得输，加上甜度刚好唔会太过火，再加埋热辣辣，食落非常润喉，秋冬必食之选~