影片
更多
2024-07-09
931 浏览
五个人中午来食烧肉，只见最大只有四人枱，我哋唔介意逼吓。各人按食量口味点咗自己份套餐，有独孤一味牛五花嘅，有样样都想试嘅多种拼盘，包括经典牛板犍、牛脷同新款墨鱼片。今日冇人想食辣就点晒配菜系沙律（而唔系韩国泡菜），加埋烟韧珍珠米饭（个别有跟温泉蛋）、和风汤。就算同样系牛五花，呢碟偏瘦，𠮶碟白雪雪肥到不得了；一边静静哋噉烧，一边燃起熊熊火焰超有气氛。墨鱼烧完食落爽脆可口，配埋沙爹酱都几夹。有人觉得唔够喉，要零舍加多一碗白饭同另上一只温泉蛋！钟意呢度有好多种唔同嘅酱料去配烧肉，款款都唔错。但系柜桶就揾唔到必用嘅湿纸巾。入座之前讲明净系食得一个钟，不过入座之后因为唔算太多人都冇人再提过。服务算系周围都差唔多嘅Hong Kong style，多少有啲chur。能够快快脆脆，烧肉食到饱，跟埋饭菜汤好均衡，而且样样都几好味（几时嚟都系呢个水准），形式上一个人嚟食都唔觉得闷，人均消费百零蚊......赢得唔少回头客。
各人按食量口味点咗自己份套餐，有独孤一味牛五花嘅，有样样都想试嘅多种拼盘，包括经典牛板犍、牛脷同新款墨鱼片。今日冇人想食辣就点晒配菜系沙律（而唔系韩国泡菜），加埋烟韧珍珠米饭（个别有跟温泉蛋）、和风汤。
就算同样系牛五花，呢碟偏瘦，𠮶碟白雪雪肥到不得了；一边静静哋噉烧，一边燃起熊熊火焰超有气氛。墨鱼烧完食落爽脆可口，配埋沙爹酱都几夹。有人觉得唔够喉，要零舍加多一碗白饭同另上一只温泉蛋！
钟意呢度有好多种唔同嘅酱料去配烧肉，款款都唔错。但系柜桶就揾唔到必用嘅湿纸巾。入座之前讲明净系食得一个钟，不过入座之后因为唔算太多人都冇人再提过。服务算系周围都差唔多嘅Hong Kong style，多少有啲chur。
能够快快脆脆，烧肉食到饱，跟埋饭菜汤好均衡，而且样样都几好味（几时嚟都系呢个水准），形式上一个人嚟食都唔觉得闷，人均消费百零蚊......赢得唔少回头客。
张贴
