小蜜蜂 (已結業)

沙田真系好多美食选择，有时唔多唔少都会有选择困难症，朋友话佢屋企附近有间茶餐厅可以满足到我，有烤鱼、有鸡煲、羊腩煲、串烧等等，可以慢慢坐低吹水啤啤佢🍺 爽😎入到嚟真系花多眼乱好多嘢食，同埋细心睇，都有唔少嘅菜式，出边少见，例如烧川式三婆肉酱茄子🍆、川北烧格格牛舌、剁椒烧广岛生蚝、香草烟肉烧广岛生蚝🦪、烧土鱿，味道好之外仲碟碟份量都好大份，真心抵食👍🏻川式烤鱼锅上枱吓亲我，好大条鱼，仲要个底好多料，有豆卜、芽菜、莲藕、枝竹、木耳，开头都好担心食唔晒，但佢个汁做得好开胃，忍唔住一啖接一啖，食哂了🤣新界友又多个地方选择喇，沙田围落车行去都好近，价钱亲民又好味，样样大大份选择多💯