辣辣屋

营业中

休息中

琴晚同朋友嚟到粉岭联和墟呢间食烤鱼嘅辣辣屋。可能因为系平日嘅夜晚，所以人唔算多，坐得几舒服。佢餐牌上面有咖喱，但因为呢度嘅主打系烤鱼，所以我同朋友就拣咗一个冬阴功烤鱼。比着平时热爱麻辣嘅我一定会拣麻辣口味，但因为身体缘故同埋朋友唔食辣所以呢只系拣咗微辣嘅冬阴功口味。条鱼本身份量都好惊人，鱼肉厚实，上面摆咗一对我最钟意嘅芫荽，入面有菇、洋葱等配料。一饮啖汤，冬阴公嘅香料味好出，好似去咗泰国咁。加配配料方面我哋只系叫咗薯粉，但个份量都大到吓亲我哋。嘢饮方面，我哋就拣咗水果茶，个水果茶并唔系一杯杯，应该用一揸揸去形容，个份量应该唔系for一个人挂。。。小食方面，我哋拣咗蒜蓉烧茄子同埋一口甜薯，值得一提嘅系一口甜薯喺烧完之后，个皮变得有少少烟韧，冇平时食火锅放题配料咁淋同湿，好味，值得一试。