Coti the Bistro (企業廣場)

营业中

休息中

之前食過一次好好味，鍾意佢環境舒服，lunch 價錢相宜，去完mega box 買野黎食就最就腳。✨餐湯羅宋湯幾好飲，好足料，蕃茄味唔會太酸。✨手撕蟹肉牛油果他他： 個牛油果夠晒熟好香好軟腍，蟹肉鮮甜，加埋面頭少少辣椒粒辣辣地好過癮。個waffle 最有驚喜，係酥皮既質地，鬆脆得黎個心又帶點煙韌，加上面頭既蜜糖真係好好食。沙律有好少見既西柚，鍾意佢唔會太酸又帶點甜。✨每次必點都係呢個tiramisu 咖啡， 面頭既忌廉好creamy, 加上可可粉攪混黎飲好香甜，好似咖啡雪糕既感覺。✨法式燉羊膝：個羊膝都幾多肉，腍到好容易就骨肉分離。肉質真係好腍滑，又唔會太羶。個蕃茄醬汁好好味，帶少少辣，用黎點薯蓉唔錯。意粉夠乾爽，煙韌度啱啱好。