M Kitchen (已結業)

荃湾一向多好野食，今日就揾到间又系又好味又抵食，叫做M kitchen，见到平日晚上生意都咁好，就知道佢好受附近街坊欢迎啦。望望餐牌，平均都系一百蚊左右，都好多款拣，就入去试下～首先我地叫左个鸡块，份量好多！个酱劲惹味！鸡块好feel到系即炸，好脆口，但又唔会话太热气，好味～点酱食完美～之后就到主菜啦，火焰茄汁猪扒饭，本来都唔知会系点火焰法，原来系有表演睇！真系成个饭有个火焰包围住，值回票价～味道方面，茄汁芝士都系做得好好味，酸甜适中，劲岩我口味～好味～猪扒质素都好，唔会硬/干（好多地方都系衰系度！），呢碟好味！猪肋骨都好有惊喜！系骨肉分离既切感！feel到佢既肉一定好嫩滑，食落都无失望，果然好软滑～绝不鞋口，呢个价食到呢种猪真系不得了！味道都调得唔错，不过如果另外再上一碟仔bbq 酱比我就更加满足到我呢啲重口味既人啦！最后有甜品，曲奇味雪糕配红豆蓉，红豆好高质，感觉系日本果种甜味好够既红豆蓉，好味！我地另外叫左两杯特饮，奶昔既口感比较似沙冰～个人觉得食物比饮品精彩～每样食物都好味，满足嘅一餐！